المسابقة الرمضانية 2

بســم الله الرحمن الرحيم

اليوم غير عن المسابقة الأولى هاي المرة ألغاز وصعب تلاقوها عالنت هاي المرة بدي أشوف شطارتكم شغلوا عقلكم شوي ...

رح نبلش باللغز الأول:
أوجد العدد المفقود

؟؟	9
81	27

2	6
54	18

في علاقة بين الأرقام يعني هدول على نمط معين بدكم تعرفوا الرقم حسب النمط
ها ها بحكيلكم بدكم تشغلوا عقلكم

يلا شوفوا اللغز التاني:
رتب الأعداد 1-9 بحيث يكون مجموع الأعداد في المربعات (15) من جميع الاتجاهات دون تكرار أي رقم.

؟	؟	؟
؟	؟	؟
؟	؟	؟

يعني لو تجمعوا الأعداد من السطر الأول لازم يطلع المجموع 15 ومن السطر الثاني والتالت أفقي وعامودي

يلا اللغز التالت:
أوجد العدد المفقود فيما يلي:
88-76-64-؟؟-40

واللغز الرابع:
ما الطريقة التي نستطيع من خلالها جمع ثماني ثمانيات للحصول على النتيجة 1000؟؟

طيب واللغز الخامس:

مات جل وترك لألاده الثلاثة 17 بقرة ,أوصى للبكر بنصفها ,وللثاني بثلثها ,والثالث بتسعها,ما الطريقة التي نستطيع من خلالها تقسيم البقرات؟

بكفيكم صح؟؟ أبصر شو صار براسكم

هاد رياضياااااااات فرجوني شطارتكم

راسي انفجر صعبين كتير
غيري يحلهم Smile

طيب حاول بتعرف الرياضيات للأذكياء خلينا نشوف مين الذكي بالمنتدى

بالله جد عارفتي بعرفش اشي بالرياضيات
ضروري تحطي هدول
والله هدول للعباقرة
كتي رصعبين
اف من الرياضيات

فعلا انه عقلكم على ادكم

يا اخي حاولوا بلكي عرفتوا اشي بالصدفة
ولا بدون النت ما بتعرفوا اشي طيب انا رح استنى عليكم شوي بعدين ببلش اساعدكم

بسم الله الرحمن الرحيم

اللغز الأول سهل كتير والجواب هو 3 وهاي سلسلة مترابطة وعرفنا الجواب لما ضربنا ب 3 متل هيك
3*3=9
9*3=27
27*3=81

اللغز التاني ما عرفت كيف يا ريت لو تساعدينا درة

اللغز التالت متل الاول في علاقة بس انا مش عارفة اوجدها

اللغز الرابع قديم ومارر علي

888
88
8
8
8
ــــــــــــــــــــــ
1000

اجمعوا هاي الارقام بتطلع 1000

اللغز الخامس انا بحكي يمكن في خطا لانه 17 ما بتقسم على 2 كيف بدو يوخد نص البقرات ويكون عدد صحيح
راجعي اللغز

هاد اللي قدرت عليه ساعدينا خلينا نحل الباقي وشوفي حلي صح ولا لأ

باااااااي

يا حبيبي رياضيات شو بدريني

رح اعطي الاسئلة لصاحبيتي وهي شاطرة بالرياضيات وبعطيكم الحل بعد يومين

ياصلاه النبي
اللهم صلي على سيدنا محمد
درة مشان الله جيبي اسالة تانية

المسابقة الرمضانية 2 118707

طلعت بسمة اشطر وحدة فيكم

مع انها ما عرفت كل الاسئلة
بس معذورة
يمكن الاسئلة صعبة شوي

وخلص رح اكتب الاجوبة لانه ما حدا فيكم عارف

طبعا شكر لبسمة لانها عرفت كم جواب

الأجوبة

اللغز الأول

الجواب 3 ,استدارة حول المربع عكس اتجاه عقارب الساعة ضرب 3

اللغز الثاني
هي الجواب وانتوا افهموها لحالكم

4	9	2
3	5	7
8	1	6

اللغز الثالث:

اطرح 12 من كل عدد يكون العدد المفقود علما بان العدد المفقود هو 52

اللغز الرابع:
888
88
8
8
8
ــــــــــــــــــــــ
1000

اللغز الخامس:

يتم اضافة بقرة الى البقرات فيصبح 17 +1=18 بقرة

ونقسم حسب الوصية فياخذ الاول 9 بقرات واثاني 6 بقرات والثالث 2 بقرتين فيكون مجموع ما اخذه الاولاد

9+6+2=17

علما ان البقرة التي تمت اضافتها تم الاستغناء عنها

وما في خطا بهاد اللغز يا بسمة

شفتوا انه سهليـــــــــــــــن

شو هالاسئلة ولا عمري بعرف احلهم

ياحبيبي والله ولا بالاحلام بحلهم

» المسابقة الرمضانية 1